Contribution d'un rényoné vivant en france

bonjour, mi veu particip o cozmen général é aporte sak la :
ma partag un cozmen ek zot. domoun souven y gard lévolution la planète par rapor lavancé teknologik. non ? mé si gard ali com ça, ou voi osi que lavancé teknologik li la serve pou fé la gér, pou conquérir sak la pa nou, pou volé en gro ! aster si ou gard listoir la planète com un mouvemen de pensé, un mouvemen dintention qui rode fé progresse ver un lamélioration pa pou un moun, pou un seul peupl mé pou toute communoté su la tér, alor ou va voir ke "de mémoire d'homme" com y di, na poin rien pou fé souvenir à nou de ça... néna ? ou va trouvé do moune y fé zafair com amma, mandela, etc ban domoun y don zot vi pou serve un ot zafér que zot lintéré. mé un espéce mouvemen "citoyen" (mi trouv pa un ot mot) ? zot y comprend kwé mi di ? mi di ke, san atak person, kosa zot y fé de zot engagement d'être humain ? pa seulemen de créol, é de rényoné spécialemen, mé de "terriens"? nou lé devan un mouvemen mondial ki ratrape la rényon habillé ek prétext clima social, économique... gréce, sénagal, péi du magrheb, pologne, roumanie, hongrie, allemagne.. etc nou va trouvé si nou veu partou, su toute continen. nou na internet... regard zot va voir é lir le ban revendication... l'humanité lé pa encore capab décréte un semain de stop-toute mondial de son propre chef, mi veu di san pass par le ban politik. cé kwé à la baz un politicien ? ma rodé pou voir, la dit ke cé ban do moun y mani la "rhétorique".. dan temp la "gréce antique" é ke bana à lépok y té enseigne, ki sa té y veu, sak zot té y coné. bon, mi di pa politicien lé le problém... mi di de génération en génération, nou oubli la sagesse simpl, lé la mêm, a ter, y suffi agenouillé pou ramassé.. un moun la di, dan la tèr li trouve lo ciel... alors com y achéte un loto seconde main, zot achéte un lidé de seconde main ossi ?

en fait, zot y voi, garde bien, y venn a nou le reve com y di. y di pa la renyon independant, y di : la rényon na un l'AME un cor è son ban cellule, le renyoné, y essay réveillé. le ga y casse là, excuz à moin, ma grandi dan moufia, moin t trace partou, mé ce ga la, c le produi de nout ignorance collective !? non ? é moin lé responsabe otan ke zot. é mi di pa ke le zafair lé dosse, lé bon mem. ah non ! mé kan na un révolt, si le ban vagu dan nout conscience collectif lé pa compri par la majorité, lé normal un parti "minoritér" va rode exprime ali é li va débordé, é li va surfe su la vague. é kan mi di parti, mi veu di parti du collectif, parti de la conscience collective, é lé mem linconscience collective ici.
sak lé pa instrui dessu sa condition d'homme dan le monde, à koz son ban conditionnemen, li ferme ali kan li compren pa un nafér. alor kosa nou fé ? nou refé le monde ? lo frère, la sèr, fo nou refé lUniver ! oui ! le monde lé en train de concentre toute son rage dan le corp ban marmaille là. é le ben force de l'ordre, lé deu ensemb y alimente la haine de l'un é l'ote... ou va di à moin kan nou mor, nou lé content nou là tape un marmay ? parce ke li té pou kass magazin ? nou la fé nout travail ? cé ça nout travail ? é zenfan la, li lé heureux li ? dé traw va di chakun son chakun. mé moin mi pense, è mi partage ek zot mon sentimen ke na un zafèr y fo nou revoi dan nout copi.

alor le problem cé koi ? un partage la tèr ? un partage dé richesse ? cé plus ke un partage cé un réseau, un échange. largen ? y mange ça ? léritage marmay, c la tér é lamour nou mette dan la tèr. la poin besoin bocou. pou moin, le nivo d'évolution d'un moun cé comen li pren son plésir pou vive. é plus ou vive en harmonie ek out lentourage(do moun é lenvironemen), plus ou na locasion évolué.
na ban valeur lé pratik é nou trouve pa lékivalen philosophik. na ban valeur philosphik ke na poin de base pratik. é pourtan y fo nou fé articul lé deu ensemb. alor... sak mi partage ek zot, cé ke na un momen ou ta sa va arété, parce ke na toujour un l'épuisemen du coté de légoisme. y fo pa reste tiéde, fo rest dan léfor comprend la situation depui en l'air, depui plu haut. é fo pa sous estimé la puissance de zot réflexion individuelle, é son réyoneman. alor organiz a nou, simplemen, recontr a nou, é construi pa su un baz préexistan, cé un lépok de révolution de conscience mes ami. é plus ke jamé y fo nout kèr lé en paix. malgrè le ban impression de souffrance. fo zot compren, cé un cozmen dkèr, é le kèr un créol, ni la poin la langue, le ban mo dawar c pa lo bon. compren sa ek zot kèr. é juge pa person. person y juge person, un pensé lé pa neutre, jamé, alor lé normal si un moun y croi ke li lé jugé, na tellemen eu de mensonge... en ce momen lé noir, lé sombre, et cé lo temp pour retourne la tèr avan planté. mai lo grin com y di, y germe pa sou soley, mé dan la tèr, li pouri. aprè li grimpe. é la li trouve son limièr. alor pens oussa zot y lé, parce ke na encor zafér pou arivé de toute façon. plante un bon grin dan zot corp, nouri ali ek zot kèr, ek zot pensé positif. é kan lér v'arivé zot va récolte sak zot la semé.

en attendan tien bo largu pa !

G. charly