Mon zenfan la été sové justès !

Bonzour a zot,

 

Oui, mon zenfan la été sové justès par un boug y dresse lo ban chien pou sov do moun, y apel Mr Eker mi croi! Mi pans ke sé li même, mwa la roconèt a li, li la passe dan la télé na poin tro lontan, li fésé un recherche su la montagne.

Mi esplik a zot koman la se passé!

Mwa lété en ville lo Port, zordi dan ler midi, mi fésé lèche vitrines ek mon zenfan 3 ans. En un ti linstan li la sorte koté mwa é li la traverse la rue kom sa, san ke mi apersoi. Et Mr Eker ke lété su trotwar, li la vi lo trin, li la kour vitman, la trape mon zenfan dovan un loto ke la pa gagne arèt pil, ke la tap a li même. Boug la la artrouve a lu su kapo loto ek mon zenfan dan son bra, mé ali même la gagne lo kou loto, pa mon ti zenfan. Mwa lé sur ke noré été pli grave même si personne lavé pa vi rien!

Na poin persone ke la été graveman blessé reuseman, just Mr Eker ke li avé un peu mal a la kuis gauche, mé kom loto lavé pa rien non pli é mon zenfan ke lété pa blessé, nou la pa apel ni ban pompiers, ni ban la polis. Navé poin rien koi, lété pa lapène. Li la rende a mwa mon zenfan, ke la même pa pléré rien é li la roparti kom si na poin rien ke lavé aspassé.

Aster, mi vien rente mon kaz, mi apersoi ke mwa la pa pans romersié boug la é mwa la poin sé koordonés non pli, donc mwa la déside fé passe un courrier des lecteurs dan zot zournal, mwa la esseye rode zot ban ladres mèl su internet, mwa la pa gagne trouv tout, mé kan même mi domand a zot si lé posib, si vou plé!

Mersi bocou!

 

Mme Ponama