Prof stagiaire : Compren à zot un peu

Bonzour zot toute, mi tien juste par ces kelke mot pou done mon avis sur ce band professeur ke i sava en métropole. Zot i rend pas zot compte mais zot situation i concerne a nou aussi. mi enten a zot déjà "pa nou i gain la paye, zot la rodé zot la gagné" mais lire d'abord, réfléchi un pé et pi cose après.

Commen ou peu deman un moun laisse toute son famille dans un pays et allé dans un autre sans bataille ? Comment ou peu dir un moun que i fé zétude, allé fait out vie ailleur ? Pou zot lé pa injuste ? lé normal !

"Oui mais zot té conné la règle, donc allé !" Donc si mi compren bien, i construit band collège à droite à gauche, nana professeurs i pren la retraite nana d'autre i fé heures supplémentaires (et gard un pé télé parce ké nana kelke temps de ça bana té plain à zot pour ça), nana de pli en plis demoun la réunion (mi gain pa tro compté mais mi conné que si nana plis demoun nana plis zenfant) et malgré tout ça là, na point la place !

"ah ben c'est zot problème" Ah bon ! et ce band zélèves, lé pas zot zenfants ! zot i envoye pa marmaille lécole, zot i inkiète pas zot de ki ça nana devant zot. Quand un marmaille i cose pas bien français, i conné rienk kréol, zot i préfère un moun i comprend a li ou un autre i tourne la tête ? A moin mi lé pour ce band professeur ke i manifeste.

Et puis, i di pa a nou kreol, nou iaime partagé. Quand nana pou un nana pou toute ? Quand zot famille vien zot case, zot i di pas li "nou va sert à nou un peu, mais nou laissera pa zot dehors !" Alors, pourquoi laisse ce band 41 marmaille là allé ? la prend 150 (mi croi) ben prend zot toute, nana la place ici, donne a zot, laisse pas zot à terre.

Courage marmaille, largue pas !