Dan' karo kan', li lé kom’ in zoli manzelle !

Kom’ i fèt jordi lo patrimoine, mi vé rakont’ a zot tout’ mon zistoir.Dopi la rassass’ a mwin dan’ in ta rob’ kan, la coup’ a mwin è la mèt’ dan’ la tèr, po arriv’ en sick dan’ zot café. Antouléka, sa la été in somin malizé, po travayèr bitasion mé osi po travayèr tabisman..

Zistoir manzelle dosick komense. In jour, bana la décid’ fé a mwin in pié de kan, rakont’ manzelle do sick. Zot la koup in morso kan avek son zié, la fouye in trou é la mèt' à mwin do dan, aprè zot la arbous' lo trou.

Mal gré dan' malizé, ek dan' fé nouar, dé troi jour pli tar, ma l’artrouv’ la limière, kan ma komense tir mon tèt sou la terr'. La lété gayar, avèk la pli, lo soleil, mwin lété vréman kontan de grandir.

Avec lo tan, pi ti lamp ti lamp ma fini par dev'nir un gadiam piè kan'. Kom' in zoli manzelle, sék' band’ travayers bitasion la di dosi mwin.

Zoli kom in' zoli pyéd bwa, avek mon rob’ tout’ vèr ki envelop’ tout’ mon kor. Mé lo tan l'arivé, mwin la fini par larg' mon flèr, é mwin lété fièr. Kar lo tan osi larivé po ké bana, i gard' la kantité dosick, mwin nana dosou mon rob’.

Aprè zot la enlèv tout' mon rob', é la separ' a mwin de mon razine a kou sab’. La mèt a mwin dan' in' zoli sarèt bèf, po désen’ lizine, ki apèl tabisman Stella.

Arriv’ en ba dan’ lo bèl sarèt, bana la mèt à mwin dosi in tapi roulan, po amèn a mwin dan' in promié machine, jiska lo sinkième po perce à mwin é enlèv tout' mon ji. Aprè mon ji la été condui dan' in gro tiyo ver in gran bak.

La, la laiss' a mwin arposé dan' se gran bak en fèr po ké mi dékante pendan plisièr zèr.

Aprè la anvoye dan' in takon sodière po enlèv tout’ dolo, é la sof a mwin180 dogré jiska mi arriv’ en siro.

Dan’ in not' tiyo, la envoye a mwin enkor, dan’ dote zappareil pour ké lo siro i cristallise en masse cuite. Aprè, lo ban’ masse cuite la été essoré, po sépar’ lo sick é lé reste ké la veni an mélasse.

Apré, lo sick la été mi dan’ in ote zappareil po fé sec à mwin. Po fini, lo sick sora mi dan goni è fermé, sargé à la tèt jiska lo camion, è depuis stocké dan’ silo.

Voila mon zistoir nomé manzelle dosick lé fini. Mé kan zot va mèt a mwin dan’ zot lé/café lo matin, oubli jamé ban’ travayèr bitasion ek travayèr tabisman, sé zot nou vré patrimoine à la Réinyon !