Zaid’ Valy
Li lé kom inn zomm’
La pou rod’ son l’omb’
Il tourne li vire mêm son vomi
Lé Capabl’ vote kontr’ li
Fo fé un zafèr po aid ali
Un ta zafèr d’ssi son kèr
mé lo mal i fé enkor lo fièr
Domoun i di li lé zantil’
i fodré plis’ po aid’ ali
i fodré pluch’ un’ fouet po li
Li lé Kom inn zéspès gro zozo
Lo poz d’ssi un pié papaye Colombo
Zaid Valy
Aid’ ali
Li té croi ké li navé un C.D.I
Dan la kaz la ville, son mairie
Solman lilé té po fé zist’ la fêt’ Ché DD (C.D.D)
Li la trop ral d’ssi gro T.T
Do lait madam bœuf oté
La rou la tourné kom i roul’ lo dé
Refrain
Zaid Valy
Aid’ ali
Li lé trop en foutant
Riskab’ li vand’ son pans’
Pou sa mêm’ li fé lo bo
li charg’ dolo (bis)
Zaid Valy
Aid ali
La frim’ lé for d’si lo gar
Fo donn’ ali un larosoir
Larosoir sa i fane la cho
Donn’ ali (bis)
Po aret son show
Si un cé zour oula plié
Wa voir un boug’ mont’ léscalié
Surment li sar en train pendilé
Sak i feré lo bien
Ek La zoi so léspri vilain
Hasté un ti zafèr po Valy
Dé troi couillon ek un wagon nervi
Défoi i fo léch’ lo maire pozé
Mèt de koté tout’ la fierté
Défoi i fo lèch’ la maire pozé
Refrain
Zaid Valy
Aid ali
Li lé trop en foutant
Riskabl’ lilé plis’ enkor méprizan…
Ou voi un zour li va pèr son mandail
Kom’ fou li lavé pa pens’ un pti marmaill’
Ké domin pétr’ li noré été d’ssi la pay’
Donn’ ali son l’armoir
Mêm si dédan navé point grand’ soz’
Mi lev’ dobout et pi mi koze
Oze di nout tout’, oté marmaille
La vi nou mème la pa normal
Kom un marmaill’ ek son sakado
Mi di azot sa, mon kèr lé gro
Mi espèr ke nout tout’ la bien pay’ lo PRIX
Mi espèr nout tout va vir’ Zaid’ Valy
Étant moin mêm’ trop puni
Défoi i arriv’ moin la pi arien po manzé
Alor sak mi vé dir si kelkun lé gro baizèr
I fo zamé lès ali tombé
I fo pran’ son main
kom sa ou ral’ ali ver un nouvo poin ropèr
Eh ke li puiss’ pran un nouvo point démaraz’ la zol’
Surment, ou gainhye fé un nafèr
Serv’ arien oussa fé lo fier
Somanké li na pi lenvi po la bataill’
O nou lèss, nout kèr kozé
Bonjour monsieur,
Bonjour madame,
Voi la pa bézoin pliské sa : bonjour
i l é ilé lélé léylé leylé …
Eh alor pran un temp po kozé
Un pti pé fraternité
Rod’ pa, kalkil’ pa
Rod’ pa mazin’ ici laba
Tremp’ la main dan’ lo posh’ la
Tremp’ la main dan’ kèr la
Partaz’ sa, ti gazon la
Gazon lamour la
Gazon lantant’
Gazon la pé
Gazon la solidarité
La fin Zaid’ valyvalet