Revenir à la rubrique : Courrier des lecteurs

Une fois n’est pas coutume… un petit poème en créole pour la journée mondiale du créole !

Batarsité Néna ankor dann nout fénwar Bonpé pou di su nout listwar Nout bann granmèr k’la débarké Grosi le ta bann bourboné. Té demwazèl finn gout bouton Ti flèr volé a zot monmon Pou kontant kolon kariaté Dann kalbanon ou si zoryé. Koulèr la po té mélanz pa Boug dann fénwar té i rod pa […]

Ecrit par Jimmy LAI-PEI – le mercredi 28 octobre 2015 à 10H21

Batarsité

Néna ankor dann nout fénwar
Bonpé pou di su nout listwar
Nout bann granmèr k’la débarké
Grosi le ta bann bourboné.
Té demwazèl finn gout bouton
Ti flèr volé a zot monmon
Pou kontant kolon kariaté
Dann kalbanon ou si zoryé.

Koulèr la po té mélanz pa
Boug dann fénwar té i rod pa
Soulaz a zot té pass avan
Koulèr zesclav de zot zenfan.
Mé néna boug lavé fonkèr
La bouch demoun zot la pa pèr
Desu zot jamb té fé soté
Zot bann marmay koulèr kafé.

In pé pli tar dann nout listwar
Kan nou té finn manz nout pin nwar
Mamzel en flèr, zènzan kanèr
Sort dann bato rod zot bonèr.
E kom somin té finn trasé
Par bann zansyn ke la pasé
Té pluch la po pou war le kèr
Si té i bat pou zot zézèr.

Alé pa crwar lété fasil
Batarsité san kou baskil
Rienk fonkèr i kal doulèr
Le fièl demoun su zot bonèr.
La pwin lontan té di ankor
Dann nout marmit ou byin déor
Zarico blan zarico nwar
I mélanz pa mèm dann fénwar.

Alor zordi agard dèrièr
Tir bann silans su zot doulèr
Rakont ousa zot lé pasé
Pou fé de nou in rényoné.
Si nout koulèr sé in doulèr
Lès pa le fièl rant dann nout kèr
Batay pou nout batarcité
Sa lé a nou, sa nout fierté.

Jimmy LAI-PEI

 

Thèmes :
Message fin article

Avez-vous aimé cet article ?

Partagez-le sans tarder sur les réseaux sociaux, abonnez-vous à notre Newsletter,
et restez à l'affût de nos dernières actualités en nous suivant sur Google Actualités.

Pour accéder à nos articles en continu, voici notre flux RSS : https://www.zinfos974.com/feed
Une meilleure expérience de lecture !
nous suggérons l'utilisation de Feedly.

S’abonner
Notification pour
0 Commentaires
Commentaires en ligne
Afficher tous les commentaires