Revenir à la rubrique : Courrier des lecteurs

Adyé Madame Baba

Mon kor lé an roklor. Mon mazinasion Kaf lé malouzé dosou mon kabay an zékli soley. In débordaz santiman ek lafin in somin lavi pou granmèr nout nasyon kabaré zanset,madame Baba.Mon larkansiel lavi fine perd in bout son koulèr lanvi.Fanm sinloui la désot dann pei lamor.An moringuer,sa fanm la soubat pou met dobout nout servis […]

Ecrit par zinfos974 – le mercredi 11 juin 2014 à 09H39
Mon kor lé an roklor. Mon mazinasion Kaf lé malouzé dosou mon kabay an zékli soley. In débordaz santiman ek lafin in somin lavi pou granmèr nout nasyon kabaré zanset,madame Baba.Mon larkansiel lavi fine perd in bout son koulèr lanvi.Fanm sinloui la désot dann pei lamor.An moringuer,sa fanm la soubat pou met dobout nout servis kaf,nout lidantité reyoné.Zamé fanm sinloui la dékilé.Mon somin bononm ,té en gayar lespoir anparmy son priyér pou la mémwar nout bann zanzet Kaf. En kabaré Baba,bordaz laravine koko,roulèr fanm sinloui la sonn dan boukan nout famy,pou in lamontraz son gayar lamour pou son pei larényon.Zoli zoli fanm sinloui,a ou zarlor mon pléré dann lonbraz kabaré.Out niaz lamour la fanfar lodèr kafé nout nasyon dann bertel tibaba an kontanman.Zoli,zoli fanm kafrine,a ou men soley nout  zirondel dann siel.Zoli zoli fanm kafrine,out somin lamor nana flér pou  domin.Dann mon lariaz lémosion nana in doulèr i dondine konm loson in roulèr i plèr.Dann kabaré na santé dadabé nout bondyé malgass pou ou,na dansé zazakel ek ou,na gonyé pikèr pou ou, na pilé maloya ansanm ou.Danm bitasion nout lamontraz servis kabaré na donn kayar pou mazinasion ou mémwar. Adyé gramoun,mersi pou nout zanfan.
 
Erick Murin
 

 

Thèmes :
Message fin article

Avez-vous aimé cet article ?

Partagez-le sans tarder sur les réseaux sociaux, abonnez-vous à notre Newsletter,
et restez à l'affût de nos dernières actualités en nous suivant sur Google Actualités.

Pour accéder à nos articles en continu, voici notre flux RSS : https://www.zinfos974.com/feed
Une meilleure expérience de lecture !
nous suggérons l'utilisation de Feedly.

S’abonner
Notification pour
0 Commentaires
Commentaires en ligne
Afficher tous les commentaires